Fréttin í bb í dag

Sungið og slegið á létta strengi
Barna- og unglingakórar Tónlistarskóla Ísafjarðar halda vortónleika ásamt strengjasveit skólans í Ísafjarðarkirkju á morgun, uppstigningardag. Það er söngkennarinn og kórstjórinn Bjarney Ingibjörg Gunnlaugsdóttir sem hefur stjórnað kórunum í vetur, en stjórnandi strengjasveitarinnar er sem fyrr Janusz Frach. Tónleikarnir eru einir af sautján tónleikum TÍ í maí, en tónleikaröðin hófst þann 9. maí með Vorþyt lúðrasveita tónlistarskólans og lýkur með lokahátíð skólans, þann 31. maí nk.